Алматы қалалық Қан орталығында Ата заңымызды реформалаудың маңызын түсіндіру мақсатында «Дөңгелек үстел» ұйымдастырылып, оның әр азамат үшін маңыздылығы түсіндірілді.
«Дөңгелек үстел» барысында орталықтың директоры, AMANAT партиясының Бостандық ауданының филиалына қарасты «Өркен» бастауыш ұйымының төрағасы Жандос Нәдіров Ата заңымызға енгізілетін өзгерістерді түсіндіре келіп, ұжым мүшелерін өз-ой пікірлерін білдіруге, болашағымыздың басты қадамы - референдумға бір кісідей қатысуға шақырды.
Өз кезегінде сөз алған орталықтың трансфузиолог дәрігері Аманкелді Мұратбеков, қан тестілеу бөлімінің меңгерушісі Зәуреш Қаражігітова, қызметкерлермен жұмыс бөлімінің менеджері Эльмира Масалим референдумның Жаңа Қазақстанды құрудағы нақты әрі батыл қадам, саяси реформалаудың басты тетігі екендігін айта келіп, әріптестерін 5 маусымда осы іс-шараға ұйымшы қатысып, өз таңдауларын жасауға шақырды.
Іс-шараны қорытындылаған орталық директоры Жандос Қуанышбекұлы ұжым мүшелерін референдумға қатысып, Қазақстан тарихының жаңа құжатына өз қолтаңбалары арқылы қолдау білдіруге шақырды. Ал ұжым мүшелері болса, ел дамуына өз таңдауларын жасайтындықтарын жеткізді.