16 қыркүйекте Қазақстанның әйелдер құрамасы бокстан әлем чемпионаты өткен Ливерпульден (Англия) оралды. Олар түнгі сағат 3:00-де Алматы әуежайына қонды, - деп хабарлайды Aqshamnews.kz тілшісі.
Біздің спортшылар үш алтын, бір күміс және екі қола медаль жеңіп, жалпыкомандалық есепте бірінші орынды иеленді.
Чемпион қыздарды қарсы алуға алматылық спорт қауымдастығы, туған-туыстары, достары мен жанкүйерлері келді. Олар спортшыларды тарихи жетістігімен құттықтап, бүкіл Қазақстан үшін үлкен мақтаныш екенін атап өтті.
Спортшылар жанкүйерлерге және барша елге қолдау көрсеткені үшін алғыс айтып, бұл жаңа жеңістердің бастауы ғана екенін жеткізді.