Бүгінгі кездесуде қаламызда әлі де толық шешімін таппаған қоғамдық көлік мәселесі де тыс қалмады.
Тұрғын сұрағы:
- №125 автобустың интервалы 40 минут. Ол «Көкжиекке» дейін барады, мен өзім осы автобуспен жүремін. Осыны реттеуге бола ма?
«Маусым айына дейін жаңа автобустар алынып жатыр. №125 автобус толығымен жаңарады. №69 маршрутта 8 метрлік автобустар жүр, оны да 10 метрлік автобусқа ауыстырамыз. Қазір 10 автобус жүруі керек, бірақ қазір 6 қоғамдық көлік жүреді. Жаңа автобус келген соң, 12 автобус шығарып интервалын азайтып береміз», - деді Алматы қаласы қалалық мобилділік басқарма басшысы Сағындық Телібаев.
Бұған қоса қала әкімі Ерболат Досаев: «Президент тапсырмасы бар. Биыл 300 жаңа автобус сатып алайын деп жатырмыз. Бірақ мүмкіншілік болса, тағы 200-дей автобус алуға тырысамыз», - деп нақтылай кетті.