Сотталған Қуандық Бишімбаевтың інісі Бақытжан Байжанов амнистия беру туралы өтініш білдірді. Бұл ақпаратты Жоғарғы сот растады, - деп хабарлайды Аqshamnews.kz тілшісі Tengrinews.kz-ке сілтеме жасап.
Байжанов биылғы 9 шілдеде Степногор аудандық сотына өтініш тапсырған.
"Бақытжан Байжанов амнистия туралы заңға сәйкес жаза мерзімін қысқарту туралы өтініш білдірді. Бұл өтініштің қаралатын күні әлі белгіленген жоқ", – делінген Жоғарғы сот хабарламасында.
Еске салайық, Бақытжан Байжанов экс-министр Қуандық Бишімбаевтың әйелі Салтанат Нүкенованың өліміне қатысты қылмысты жасыру бойынша айыпталып, 2024 жылғы мамырда 4 жылға бас бостандығынан айырылған болатын.