Алматыда АИ-92 маркалы бензин 2 теңгеге, АИ-95 – 4 теңгеге қымбаттады.
Qazaq Oil, Helios және Sinooil жанармай құю станцияларында бензин бағасы көтерілді, деп хабарлайды aqshamnews.kz
Бұл жанармай нарығын ырықтандыру туралы Энергетика министрлігінің мәлімдемесінен кейінгі алғашы өсім.
16 ақпан кешінен бастап Алматы, Алматы облысы және Астанада жанармай құю станциялары бағаны көтере бастады.
Мәселен Helios жанармай құю станциясында АИ-92 бензині 207 теңгеден сатылса, дизель отынының бағасы 275 теңгені құрайды. Сонымен қатар Sinooil жанармай құю станциясында да баға 2 теңгеге көтерілді.
Сарапшылар бағаның өсуін жанармай нарығының еркін айналымға шығуымен байланыстырып отыр. Энергетика министрі Алмасадам Сәтқалиев бұған дейін бағаның 5 теңгеге көтерілуі мүмкін екенін айтқан болатын. Бұл қадам бюджетке түсетін қаражатты арттырып, нарықты жаңа жағдайға бейімдеу үшін қажет деп түсіндірілді.
Қазақстанның жанармай қауымдастығы KC Energy Group және «ҚазМұнайГаз» компаниялары 1 ақпаннан бастап көтерме бағаны көтергенін мәлімдеді. ҚТА есептеуінше, ақпан айының соңына дейін АИ-92 және дизель отыны тағы 4 теңгеге қымбаттауы мүмкін.