Соңғы уақытта Аlmaty-akshamy.kz сайтында жұмыс істеген.
Танымал журналист Данабек Бименов 17 шілде күні, 67 жасқа қараған шағында өмірден озды, деп хабарлайды Almaty-akshamy.kz.
Данабек Бименовтің негізгі мамандығы — физик. Қазақ мемлекеттік университетін аяқтағаннан кейін ғылыми еңбекпен айналысқан, екі рет зерттеушілік экспедицияның құрамында Антарктидадағы Мирный станциясында болып қайтқан.⠀
Бос уақытында шығармашылықпен айналысып, журналистикаға бет бұрған. Ол —климатты сақтау проблемалары және экологиялық қауіпсіздік мәселесі бойынша көптеген ғылыми мақалалардың авторы.⠀
10 жылдан астам уақыт Би-Би-Си телерадиохабар тарату корпорациясының қазақ редакциясының репортері болған, кейінірек еңбек жолын «Азаттық/Азат Еуропа» радиосының журналисі болып жалғастырған. ҚазТАГ ХАА қазақ редакциясын басқарған. Өмірінің соңында Almaty-akshamy.kz сайтында жұмыс істеді.⠀
Данабек Бименов – халықаралық және республикалық шығармашылық байқаулардың бірнеше мәрте жеңімпазы, Қазақстан Журналистер одағының «Үздік репортерлік жұмыс» аталымындағы сыйлықтың лауреаты.⠀
«Aлатау ақпарат» ЖШС ұжымы Данабек Бименовтің туыстары мен жақындарына қайғырып көңіл айтады.