1 мамыр - Қазақстан халқының бірлігі күні. Aqshamnews.kz тілшісі айтулы мерекеге орай елімізде Бейбітшілік, Мамыр, Мир, Бірлік, Достық есімді қанша адам барын анықтады.
Ұлттық статистика бюросының “Мен сияқты неше адам бар? бөлімінде аттас адамдар тізімін табуға болады.
Қазақстан бойынша ұлты қазақ Бейбітшілік есімді 3 адам бар. Ал Мамыр есімді 383 азамат бар, оның 370-і қазақ, 9-ы өзбек, біреуі әзірбайжан. Ел аумағында Мир есімді 104 адам бар, оның 100-і қазақ болса, Бірлік есімді 484 адамның 458-і қазақ. Елде Достық есімді бар жоғы 23 адам бар, оның 22-сінің ұлты қазақ.
Айта кетейік, елімізде 1 мамырда Қазақстан халқының бірлігі күні тойланады. Мереке 1996 жылдан бастап экс-президент Нұрсұлтан Назарбаевтың Жарлығымен ресми түрде атап өтіліп келеді.