Мәжіліс депутаты Елнұр Бейсенбаев әлеуметтік-кәсіпкерлік корпорациялардың бірінің басшылығы бір жылда 14 сыйақы жалақы алғанын айтты, - деп хабарлайды aqshamnews.kz тілшісі.
"Ақжайықтың" ӘКК басшылығы бір жылда 14 премиалдық оклад алды. Әрине, бұл Жоғары аудиторлық палата анықтаған жерге қатысты махинациялар бойынша "ерекше нәтижелер" үшін төленген сыйақы шығар", – деді депутат.
Оның айтуынша, соңғы бес жылда ӘКК-ларға 528 млрд теңге бөлінгенімен, тексерілген 13 корпорацияның 8-і 209 млрд теңге шығынға батқан.
"Нақты қанша жұмыс орны ашылды, халық қандай пайда көрді – бұған нақты жауап жоқ", – деді Бейсенбаев.
Мәжілісте сөз алған Әлихан Смайылов та ӘКК-лардың нақты мақсаты мен даму моделі жоқ екенін айтып, мемлекеттік қолдауға қарамастан, олардың көпшілігі әлі де шығынмен жұмыс істеп отырғанын жеткізді.