Барахолка сауда орындарда өрттерге әрекет ету шаралары күшейтілді.
Естеріңізге сала кетейік, 24 шілдеде Алматы қаласының әкімі Дархан Сатыбалды Солтүстік айналым бойындағы сауда орындарында өртке қарсы шараларды күшейтуді тапсырған болатын.
«Жағдай өзгермесе, нәтиже болмаса, қатаң шаралар қолданылуы тиіс», – деп атап өткен қала басшысы.
2025 жылғы 11 тамыз күні сағат 07:34-те «112» пультіне Алматы қаласындағы «Ұшқоныр» базарында (Солтүстік шеңбер көшесі, 122 мекен-жайы) өрт шыққаны туралы хабар келіп түсті. ТЖД күштері жоғары деңгейдегі шақырту бойынша дереу бағытталды.
Оқиға орнына келгенде: асхана өртеніп, жалын екі 20 тонна контейнерге тарағаны анықталды. Жалпы өрт аумағы 70 шаршы метрді құрады. ТЖД қызметкерлерінің үйлесімді әрекеті арқасында өрт 08:03-те толығымен сөндірілді.
Өрт сөндіру кезінде дрондар қолданылып, өрт ошақтары мен жоғары температуралы жерлер анықталды.
Қабылданған шаралар арқасында өрттің әрі қарай таралуы тоқтатылып, кәсіпкерлердің мүлкі сақталды. Сонымен қатар, екі 25 литрлік газ баллоны эвакуацияланып, салқындатылды.
Зардап шеккендер жоқ. Өрттің себебі анықталуда.
Өрт сөндіруге 51 қызметкер мен 13 техника бірлігі жұмылдырылды.