Бақытжан Базарбек "20 миллион теңге жалақы" деген пікірін түсіндірді, - деп хабарлайды Аqshamnews.kz тілшісі.
Бұл туралы ол Мәжіліс кулуарында айтты. Депутаттың айтуынша, бұл оның атқаратын жұмысының көлемі туралы болған:
"Мен заңмен талап етілгеннен әлдеқайда көп еңбектенемін. Жиырма есе көп. Мүмкін, отыз есе де. Мен Жоғары аудит палатасы, Жер ресурстары комитеті, Су ресурстары және суармалы егіс министрлігі, Экология министрлігі мен экологиялық инспекция тарапынан тексеру туралы бастамалар ұсынамын. Мемлекеттік органдар орындауға тиіс істі орындауға мәжбүрлеймін", – деді Базарбек.
Депутат сөзінше, бұл әрекеттер оның функционалдық міндетіне кірмейді. Бірақ мемлекеттік органдар өз міндетін дұрыс орындамағанынан ол бұл мәселемен айналысуға мәжбүр.
Сондай-ақ, депутатқа хейтке қатысты сұрақ қойылды.
"Мені қаралауға тырысатындар, мен парламентте ізгі күшпін, жақсылық жағындамын. Менің айналамда мені қолдайтын журналистер, блогерлер, қоғам белсенділері бар. Егер олар біреуді қараласа, онда кімді қолдайды? Олар заңдылық пен елде тәртіп орнатуға атсалысатын адамдарды қолдауы керек", — дейді депутат.
Еске салайық, 8 қыркүйекте Мәжіліс депутаты Бақытжан Базарбек өз міндетін 20 миллион теңге жалақыға лайық деңгейде атқаратынын мәлімдеген еді.