Қазақстанда бала асырап алу, қорғаншылық және қамқоршылық тәртібін жетілдіруге бағытталған жаңа заң нормалары қабылданды, - деп хабарлайды Aqshamnews.kz.
Жаңашылдықтар бойынша, бала асырап алу кезінде ең алдымен баланың туыстарына басымдық беріледі. Егер жақын туыстары болмаса немесе бала тәрбиесіне ала алмайтын жағдайда, асырап алу құқығы некеде тұрған азаматтарға беріледі.
Қамқоршылар тізімі кеңейтіледі
Заңда қамқоршы ретінде тағайындалуы мүмкін тұлғалар қатары да кеңейтілді. Енді патронаттық тәрбиешілер, асырап алушылар,кәсіби патронаттық тәрбиешілер қамқоршы ретінде танылуы мүмкін.
Бұл ретте қорғаншылық және қамқоршылық органдары үміткер тұлғалардың заңмен белгіленген талаптарға сәйкестігін міндетті түрде тексеруге тиіс.
Сондай-ақ, қамқоршының отбасында бірге тұратын адамдарға қатысты қосымша талаптар енгізіледі. Бұл балалардың қауіпсіздігі мен құқығын қамтамасыз ету мақсатында жүзеге асырылып отыр.
Жаңа нормалар жетім және ата-анасының қамқорлығынсыз қалған балалардың мүддесін қорғауға, олардың отбасында тәрбиеленуіне жағдай жасауға бағытталған.