Несие мерзімі – 7 жыл. Алғашқы төлем - 0%. Жылдық мөлшерлемесі - 4%
Бұл қаражат отандық автокөліктерді алуға ғана жұмсалады, деп хабарлайды Almaty-akshamy.kz
Премьер-Министрдің бірінші орынбасары Роман Скляр «ӨКМ Операторында» жиналған қаражат туралы түсіндіріп берді.
«220 млрд теңге біздің азаматтарымыздың игілігіне жұмсалуы керек. Жиналған соманың 100 млрд теңгесі автонесиелеуге бағытталады. Несие мерзімі – 7 жыл. Алғашқы төлем - 0%. Жылдық мөлшерлемесі - 4%. Бұл бағдарламаны 70 мыңға жуық қазақстандық пайдалана алады", – деді Премьер-Министрдің бірінші орынбасары.
Сонымен қатар Роман Скляр автосалондардағы көлік тапшылығының себебін де айтып өтті.
«Көлік тапшылығы әлемде чиптердің тапшылығымен байланысты», – деді спикер.
Роман Скляр соңғы бір айдан аса уақыттан бері талқыланып келе жатқан утильдік алым тақырыбына нүкте қойды. Ол енді оның мөлшерлемесі 50%-ға төмендейтінін хабарлады.