БҰҰ жетекшісі алаңдаушылық білдірді.
БҰҰ Бас хатшысы Антониу Гутерриш Ауғанстанда әйелдердің үкіметтік емес ұйымдарда жұмыс істеуіне тыйым салынғанына алаңдаушылық білдірді. Бұл туралы халықаралық ұйым өкілі Стефана Дюжарриктің мәлімдемесінде айтылған, деп хабарлайды Almaty-akshamy.kz ҚазАқпаратқа сілтеме жасап.
«Бұл шешім әйелдер мен қыздарға көмектесетін көптеген ұйымдардың жұмысына зиян келтіреді. Ауған әйелдерінің адамдар өмірін сақтап қалу жолында халықаралық қауымдастықпен жұмыс істеуіне тыйым салу Ауғанстан халқына бұдан да көп қасірет әкеледі», - деді Стефана Дюжаррик.
Айта кетейік, Талибан билікке келгеннен кейін ауғанстандық әйелдерге тыйым күшейді. Енді ауғандық әйелдер саябақта қыдыра алмайды және университеттерде оқи алмайды.