Бұл туралы бүгін аудан халқымен кездесуге келген қала әкімі айтты.
Бұл учаскелерде су құбыры мен канализация желілері 1960-1970-ші жылдары салынған және 90%-ы тозған, деп хабарлайды Almaty-akshamy.kz
Сапалы сумен қамту және су бұрумен қамтамасыз ету әкімдік жұмысының басым бағыты болып қала береді.
Әуезов ауданында сумен қамту және су бұру желілерін модернизациялауды қажет ететін ең проблемалы 4 учаске бар: бұл «Достық шағын ауданы», «Восход», «Садовод», «Ветеран» бұрынғы 3 бау-бақша серіктестігі, «Мамыр-4» шағын ауданы, сондай-ақ Алмас, Атамекен және Қуаныш шағын аудандарының аумақтарында.
Анықтама үшін: Жалпы ұзындығы 83,7 км (сумен қамту – 27,5 км, су бұру – 56,2 км).
«Мамыр-4» шағын ауданындағы сумен қамту және су бұру желілерін реконструкциялау үшін мемлекеттік сараптаманың оң қорытындысы бар. Құрылыс-монтаждау жұмыстарының басталуы –
2024 жылдың II-ші тоқсаны, аяқталуы - IV тоқсан.
Бүгінде Сайын және Ұлықбек көшелерінің бойындағы учаскелерде жалпы ұзындығы 1,6 км су құбыры желілерін реконструкциялау жүріп жатыр. Қазіргі таңда ұзындығы 1 км учаскедегі жұмыстар аяқталды. Қалған 600 м, оның ішінде Жетісу-2 шағын ауданы осы жылдың қазан айының соңына дейін аяқталады.