Абырой болғанда, жолаушы әйелдің затын ұмытып кеткен сөмкесін полиция қызметкерлері байқап қалған.
Көліктегі полиция департаментінің хабарлауынша, оқиға 7 ақпанда болған. Әйел күту залында 4 мың доллар салынған сөмкесін ұмытып кеткен, деп хабарлайды Almaty-akshamy.kz
Түркістан қаласының әуежайындағы желілік полиция бөлімшесінің бастығы Нұралы Нұржігіт пен патрульдік полиция қызметкері Қайрат Қошан қызметтік міндетін атқару кезінде жолаушының қалып қалған затын байқаған. Олар сөмкенің иесімен тез арада байланыс орнатып, әйелге қаражатын қайтарып берген.
«Әйел Түркістан әуежайының департамент басшылығына және желілік полиция бөлімшесінің қызметкерлеріне алғыс айтып, олардың байқағыштығы мен жауапкершілігін атап өтті», – делінген хабарламада.