Қостанай және Солтүстік Қазақстан облыстарында ауа райының нашарлауына байланысты көлік қозғалысына шектеу енгізілді, деп хабарлайды aqshamnews.kz
Қостанай облысы:
2024 жылғы 16 желтоқсан, сағат 19:30-да "Екатеринбург-Алматы" автожолының 686-729 шақырым аралығында (Сарыкөл ауылынан СҚО шекарасына дейін) көліктің барлық түріне қозғалыс тоқтатылды. Жолды 2024 жылғы 17 желтоқсан, сағат 08:00-де ашу жоспарлануда.
Солтүстік Қазақстан облысы:
"Екатеринбург-Алматы" автожолының 729-768 шақырым аралығында (Қостанай облысының шекарасынан Тоқсан би ауылына дейін) көліктің барлық түріне қозғалыс шектелді. Жолды 2024 жылғы 17 желтоқсан, сағат 08:00-де ашу көзделіп отыр.
Жамбыл облысында:
2024 жылғы 16 желтоқсан сағат 21:00-де ауа райының бұзылуына байланысты "Алматы-Ташкент-Термез" автожолының 159-238 шақырымы аралығында (Кенен ауылынан Қайнар ауылына дейін) көліктің барлық түрінің қозғалысына шектеу қойылды.
Ауа райының өзгерістеріне назар аударыңыз және жолға шығуды жоспарламас бұрын жаңартылған ақпаратты тексеріңіз.