Атом энергетикасы туралы айтқан кезде біз әлі күнге дейін Чернобыль апатын еске аламыз, осыдан радиофобия қалыптасып қалған.
Бірақ бұл дұрыс емес, себебі қазіргі атом электр станциялары (АЭС) мүлде басқа деңгейде. Атом энергетикасы бүгінгі таңда — үлкен әрі күрделі процесс, оны дұрыс түсіну өте маңызды. Сондықтан оның жұмыс істеу принципін қарапайым тілмен түсіндіру қажет деп санаймын.
Атом электр станциясының қалыпты жұмыс істеуі үшін 2 мыңнан астам адам қажет, оның ішінде 400-ге жуық жоғары білімді мамандар. Бұл көрсеткіш АЭС-тің қаншалықты күрделі және жауапты жоба екенін көрсетеді. Егер Қазақстанда атом электр станциясы салынатын болса, ең озық технологиялар пайдаланылатын болады.
Бізге өткеннің қорқыныштарынан арылып, атом энергетикасының қазіргі мүмкіндіктерін дұрыс түсіну қажет. Бұл болашақтың энергиясы, ол Қазақстанның энергетикалық болашағына үлкен үлес қоса алады.