Қазақстанда АЭС салу мәселесі бойынша жүргізілген сауалнама нәтижелері халықтың басым бөлігінің бұл идеяны қолдайтынын көрсетті.
"Демократия институты" ҒЗҚ ҚБ 2024 жылдың 13-26 қыркүйек аралығында телефон арқылы жүргізген сауалнамаға 17 облыс пен республикалық маңызы бар Астана, Алматы және Шымкент қалаларынан 1 200 респондент қатысты.
- Сауалнама қорытындысы бойынша респонденттердің 72,9%-ы Қазақстанда атом электр станциясын салу идеясын қолдайтынын білдірді. Бұл бұрынғы сауалнамалармен салыстырғанда қолдаушылар санының айтарлықтай өскенін көрсетеді: бірінші сауалнамаға қарағанда 19,8 пайыздық тармаққа, ал екіншісімен салыстырғанда 12,7 пайыздық тармаққа жоғары.
- Респонденттердің 62%-ы жалпыұлттық референдумға қатысуға ниет білдіріп, азаматтық ұстанымдарын танытты. Ал 46,3%-ы референдумға нақты қатысуға дайын екенін мәлімдеді. Бұл көрсеткіш бұрынғы сауалнамалармен салыстырғанда өсім көрсетіп, дауыс беруге ниетті респонденттердің саны 59%-дан 62%-ға дейін жеткенін дәлелдейді.
Сауалнама нәтижелері қазақстандықтардың АЭС салу мәселесіне белсенді қызығушылық танытып, бұл идеяға қолдау білдіретінін көрсетті.