Асылым Жақия әлем чемпионы атанды, – деп хабарлайды aqshamnews.kz тілшісі.
Стенд атудан Германияның Зуль қаласында өтіп жатқан жасөспірімдер арасындағы әлем чемпионатында Қазақстан құрамасының қоржыны тағы бір алтын медальмен толықты.
Асылым Жақия 25 метр қашықтықтан стандартты шағын калибрлі тапаншамен атудан 554 ұпай жинап, әлем чемпионы атанды.
Екінші орынды үндістандық Шауля Дилип Бхарне (552 ұпай) иеленсе, тағы бір Үндістан өкілі Рия Дуггал (552 ұпай) үздік үштікті түйіндеді.
Бұған дейін стенд атудан әйелдер құрамасы «трап» бағдарламасында алтын медаль жеңіп алса, Ринат Казаченко оқ атудан күміс жүлдеге қол жеткізген болатын.