Бұл факті бойынша сотқа дейінгі тергеу басталды
Астанада 11 қарашада тұрғын үйдің 14-қабатындағы екі жұмысшы құрылысқа арналған аспалы құрылымнан жерге құлап кетті, деп хабарлайды Almaty-akshamy.kz Zakon.kz-ке сілтеме жасап.
Елорда Полиция департаментінің мәлімдеуінше, құлағандардың бірі алған жарақатынан оқиға орнында көз жұмды, екіншісі ауруханаға жеткізілді.
Бұл факті бойынша сотқа дейінгі тергеу басталды. Қажетті сараптамалар тағайындалды.
Қарашаның 7-сі күні дәл осындай оқиға Талдықорғанда да орын алды. Құрылыс алаңында жұмысшы биіктен құлап кетті. Ол шетел азаматы болып шықты.