Кәсіпкерлік нысандары Ashyq жобасына екі күнде тіркеле алады. Бұл туралы «Атамекен» ұлттық кәсіпкерлер палатасының басқарма төрағасы Абылай Мырзахметов мәлімдеді, деп хабарлайды almaty-akshamy.kz.
«Мемлекет басшысы Ashyq жобасындағы бюрократиялық рәсімдер туралы орынды сын айтты. Біз әріптестерімізбен және санитарлық дәрігерлермен бірге талдау жүргіздік. Онда алгоритм іс жүзінде дайын, қаулы жүзеге асырылады. Оңтайландыру мен реинжиниринг процестері 7 күнге созылды, өйткені санитар дәрігерлердің мақұлдауы қажет болды. Бұл - қолмен жасалатын процедура. Әрі қарай біздің аймақтық өкілдерден рұқсат алу керек болды. Енді біз бұл процестердің бәрін алып тастадық. Бүкіл процестер автоматтандырылады, жобаға 2 күн ішінде тіркелуге болады», - деп түсіндірді Абылай Мырзахметов орталық коммуникациялар қызметінде.
Оның айтуынша, нормативтік құжатқа қол қойылғаннан кейін ведомство алгоритмді жариялайды.
«Біздің infokazakhstan платформасында 450 мыңға жуық кәсіпкер тіркелген, оның 90% қызмет көрсету саласында жұмыс істейді. Біз карантинді күшейткен бес қалада 100 мыңға жуық субъект, 30-ға жуық қызмет көрсету саласы тек Ashyq жүйесі бойынша жұмыс істейді деп жоспарлап отырмыз. Ертеңнен бастап кәсіпкерлік нысандарына, өңірлердегі жеке кәсіпкерлерге көмек көрсетіледі», - деді А.Мырзахметов.