Кәсіби дағдыны қалыптастырудың бір жолы осы.
Қазақстанның Еңбек Ері, Халық әртісі Асанәлі Әшімов Президент Қасым-Жомарт Тоқаевтың қыркүйектің 1 күні Қазақстан халқына жасаған Жолдауына қатысты өз пікірін білдірді,деп хабарлайды Almaty-akshamy.kz.
«Мен халқымыздың әлем үлгі тұтарлық жақсы қасиеті көп болғанын қалаймын. ХХІ ғасырдың ұрпағы терең білімді болғаны жөн. Жас буынды ерінбей еңбек етуге бейімдеу қажет. Кәсіби дағдыны қалыптастырудың бір жолы осы.Қатаң тәртіп, жоғары жауапкершілік әрбір еңбеккердің бойында болсын.Біз сонда ғана бәсекеге қабілетті мемлекет, зияткер ұлт қалыптастыра аламыз. Осы межелер жүзеге асуы үшін халықтың әл-ауқатын да ұмытпаған дұрыс. Ең төменгі жалақы 2018 жылдан бастап өспеді.Мұны Президент Қасым-Жомарт Тоқаев жолдауында нақтылап айтты», – дейді Асанәлі Әшімов.
Жолдау барысында Қазақстан Президенті Қасым-Жомарт Тоқаев ең төменгі жақалы мөлшері өсетінін айтқан болатын. Сонымен қатар 2022-2025 жылдары бюджеттен қаржыландырылатын сала қызметкерлерінің жалақысы жыл сайын 20 пайызға өсетінін айтқан болатын.
«Халқымыз үшін зиялы қауымның орны қашанда ерекше. Ұлт тағдыры сынға түскен сәтте көзі ашық азаматтар әрдайым көш бастаған. Адамдарға жөн сілтеп, жастарға бағыт-бағдар берген. Ел ағалары бір ауыз сөзбен тентегін тыйып, тектісін төрге отырғызған. Біз қанымызға сіңген осы қасиеттен айырылмауымыз қажет. Қазір ғаламтор дәуірі. Ондағы бейберекет ақпарат ұрпақтың санасын улап жатыр. Бір сәттік танымалдықты көрсететін тамырсыз идеялар жаппай белең алуда. Дәл осы кезеңде ұлт зиялыларының ұстанымы және белсенділігі айрықша маңызды. Зиялылардың еңбегі марапатымен емес, салиқалы сөзімен және нақты ісімен бағаланады.» - деді Мемлекет басшысы бүгінгі жолдауында.
Асанәлі Әшімовтың пікірінше, бұл өте орынды, жүйелі айтылған .
«Осы талап үдесінен шығу жасымыз бен кәріміздің, қысқасы бәріміздің міндетіміз...», деді Асанәлі Әшімов.
