145 миллион теңгеге алдаған: ірі алаяқтық жасады деп күдіктелген азамат Ресейден экстрадицияланды
Кезекті алаяқтың экстрадиция туралы ҚР Бас прокуратурасы мәлімдеді, деп хабарлайды aqshamnews.kz
Қадағалаушы органның мәліметінше, ол Оңтүстік Кореядан автокөліктер жеткіземін деп уәде беріп, сатып алушыларды тартымды бағамен қызықтырған. Алайда, ақырында алданған адамдардың ақшасын алып, 145 миллион теңгені иемденіп кеткен. Бұл оқиға 2023 жылы орын алған.
Осыдан кейін қаскөй қашып кеткен, прокуратураның хабарлауынша, ол халықаралық іздеуге жарияланған.
Қазақстан азаматы 2024 жылдың сәуірінде Ресей аумағында ұсталды. Экстрадициядан кейін оны уақытша ұстау изоляторына жіберген.
«Арзан корей көліктерін сатушы» бес жылдан он жылға дейін бас бостандығынан айырылып, мүлкі тәркіленуі мүмкін.