Еңбек еленді.
Құрбан айт мерекесі күні «Almaty aqshamy» газеті Бас редакторының орынбасары Әнуарбек Әуелбек, Web-редакция жетекшісі Дәурен Дүйсебаев, фототілші Самат Құсайынов, «Вечерний Almaty» газетінің бөлім редакторы Ирина Тулинова ҚР Ақпарат және қоғамдық даму министрлігінің «Ақпарат саласының үздігі» төсбелгісімен марапатталды.
«Құрбан айт мерекесі мен үшін тосын сыйға толы болды. Еңбегім еленіп, «Ақпарат саласының үздігі» атандым. Жалпы, ақпарат саласында фототілшілердің еңбегі елеусіз қалып жататыны жасырын емес. Сондықтан бұл марапат еліміздің фототілшілері үшін де үлкен құрмет деп білемін. Болашақта фототілшілердің еңбегі ескерусіз қалмайды деп ойлаймын», – дейді әріптесіміз Самат Құсайынов.
Жауапты хатшы Әбдіжамал Сапарқұловтың жас қозы етінен дайындаған сірнесі мен шашпа палауынан ауыз тиген жұртшылық елдің амандығын, аспанның ашықтығын тілеп, дұға жасады.