Алматы көлік және коммуникациялар колледжінің базасында, «Адал азамат – біртұтас тәрбие» бағдарламасы аясында
Алматы қаласы Алмалы ауданы ардагерлер кеңесінің мүшелерімен «Ардагерлердің өмір жолы – жас ұрпаққа тағылым» атты
ардагерлер мен жастардың кездесуі болып өтті.
Кездесудің басты мақсаты – студенттердің тұлғалық дамуына жағдай жасау, азаматтық жауапкершілігін арттыру, рухани-адамгершілік құндылықтарды бойына сіңіру, кәсіби мәдениетін жетілдіру және қоғам өміріне белсенді араласуға, үлкендерге құрмет көрсетуге тәрбиелеу.
Іс-шара барысында ардагер ұстаздар студенттермен өздерінің өмір жолдары мен ұстаздық қызметтері туралы әсерлі әңгіме өрбітті. Колледж студенттері өздері дайындаған концерттік бағдарламаларын ұсынып, ардагерлерге құрмет көрсетті.
Кездесу кезінде ардагерлер мен мәртебелі қонақтар қызмет жолындағы қызықты естеліктерімен бөлісіп, жастарға кәсіби және өмірлік тәжірибелерінен тағылымды кеңес берді.
Білім алушылардың алдында сөз сөйлеген ардагер ұстаздар жастардың қайсар ата-бабаларының даңқты дәстүрлерін жалғастырушы, өз Отанының нағыз патриоты болып өсуі керектігін атап өтті. Сондай-ақ, өз мамандықтарын сүйіп, темір жол саласының білікті мамандары болуға үндеді.
Кездесу барысында қонақтар колледж мұражайымен, заманауи жабдықтармен, тренажерлармен және цифрлық шешімдермен жабдықталған құзыреттілік орталығымен танысты.
Іс-шара соңында колледж директорының тәрбие ісі жөніндегі орынбасары
Сауырбаев Н.Б. мазмұнды кездесу ұйымдастырған ардагерлерге және жастарға патриоттық тәрбие беруге қосқан үлестері үшін алғысын білдірді.