Қарттарға арнап театрда тегін көрсетілім ұйымдастырылды
Аmanat партиясының Алмалы аудандық филиалы «Бақытты отбасы» және «Ардагерлерді ардақтайық» партиялық жобалары аясында көпбалалы отбасылар мен қарттарға арнап театрда тегін көрсетілім ұйымдастырды.
Абай атындағы ұлттық опера және балет театрында өткен іс-шараға 100-ге жуық адам (оның ішінде 20 көп балалы отбасы) қатысып, «Абай» операсын тамашалады. Бұл бастама қаржылық қиындықтарға байланысты қалада өтіп жататын түрлі мәдени іс-шараларға жиі қатыса алмайтындар үшін нағыз сыйлық болды.
«Біз мәдени іс-шаралардың қолжетімділігі барлығына тең болуы керек болатынына сенімдіміз. Экономикалық және әлеуметтік қиындықтарға жиі тап болатын адамдардың еліміздің мәдени жетістіктерінен ләззат алу мүмкіндігі болуы ерекше маңызды», – дейді акцияны ұйымдастырушылар.
Көрсетілім жылы және достық атмосферада өтті. Көрермендер қойылымға дән риза болды. Олардың көпшілігі мұндай бастамалар мәдениетпен танысуға ғана емес, сонымен қатар ұрпақтар сабақтастығына және қоғамдық байланысты нығайтуға ықпал ететінін атап өтті.
Айта кеткен жөн, Абай атындағы ұлттық опера және балет театры 15 жыл бойы партиямен осындай акцияларды өткізуде белсенді атсалысып келеді. Аmanat партиясы мұндай іс-шаралар дәстүрге айналатынына және барлық ниет білдірушілерді осындай маңызды бастамаларға қосылуға шақырады.