Ұлы Жеңіс күні қарсаңында «Amanat» партиясының Бостандық аудандық филиалы мен Алматы қалалық мәслихатының депутаты Жандос Надиров 101 жастағы ардагер Ольга Андреевна Савенкоға арнайы барып, Жеңіс күнімен құттықтады, деп хабарлайды aqshamnews.kz.
Ольга Савенко 1923 жылы 9 мамырда Алматыда дүниеге келген. 18 жасында Ленинградтағы әскери байланыс училищесін аяқтап, майдан даласына аттанып, 109-жеке байланыс полкі құрамында Берлинге дейін жеткен. Соғыстан кейін туған қаласына оралып, телеграф саласында 57 жыл еңбек еткен. Бүгінде ғасырдан асқан ардагер еліміздің бейбіт өмірін мақтанышпен айтып, елге деген сүйіспеншілігін тебіреніспен жеткізді.
Ардагерге арнайы сыйлықтар табысталып, жылы лебіздер мен алғыс сөздер айтылды. Бұл – ерліктің ешқашан ұмытылмайтынын, тарихқа деген құрметтің ұрпақ жадында сақталатынын айғақтайды.
Айта кетейік, Алматы қалалық мәслихатының соңғы сессиясында депутат Жандос Надиров Ұлы Жеңістің 80 жылдығына орай ардагерлерге 5 млн теңгеге дейін біржолғы төлем жасау бастамасын қолдап, әріптестерін де осы игі іске үн қосты.