2026 жылғы 28 сәуірде сағат 09:00-ден 20:00-ге дейін тұрғындар су беруде уақытша іркілістерге тап болуы мүмкін, – деп хабарлайды aqshamnews.kz тілшісі.
"Алматы Су" мемлекеттік коммуналдық кәсіпорнының хабарлауынша, суық судың қысқа мерзімді шектелуі жаңа су құбырын іске қосу жұмыстарына байланысты.
Шектеулер Ақжар ықшамауданындағы тұрғын үйлер мен әкімшілік ғимараттарды қамтиды.
Кәсіпорын мамандары тұрғындардан уақытша қолайсыздықтарға түсіністікпен қарауды сұрады.
Қосымша ақпаратты 274-66-66 телефоны арқылы алуға болады.