Ақтөбеге Қарулы күштер "Оңтүстік" өңірлік қолбасшылығы радиациялық, химиялық және биологиялық қорғау бөлімшелерінің 50-ден астам әскери қызметшісі келді. Олар су тасқынының салдарын жоюға қатысады, деп хабарлайды almaty-akshamy.kz.
Әскерилер су тасқыны салдарын жоюға көмек көрсету үшін 16 арнайы техникамен келді. Әскери қызметшілердің негізгі міндеттері - дезинфекция жүргізу және су тасқынына қарсы зардаптарды жою.
"Су тасқынынан кейін учаскелерді дезинфекциялау жұмыстары дүйсенбі, 22 сәуірде басталады" - деп хабарлады Қорғаныс министрлігі.