Ақтауда бес қабатты тұрғын үйдің қабырғасына бекітілген газ құбырына түйе байлап қойған. Желіде тараған видео тұрғындар арасында қызу талқыланып жатыр, – деп хабарлайды aqshamnews.kz тілшісі Lada.kz-ке сілтеме жасап.
Ақтау қалалық әкімдігінің мәліметінше, жағдайға тиісті қызметтер жедел әрекет еткен. Тұрғын үй-коммуналдық шаруашылық бөлімі мамандары мен учаскелік полиция инспекторлары бірлесіп, жануардың иесін анықтаған.
Оқиға 13-шағынауданда, №2 үйдің маңында болған. Түйе иесіне қатысты уәкілетті орган әкімшілік айыппұл салу шарасын қарастырған.
Жануарды иесі кейін алып кеткен.
Өңірлік полиция департаменті мал иесіне ҚР ӘҚБтК-нің 408-бабы ("Ауыл шаруашылығы жануарларын жаю қағидаларын бұзу") бойынша әкімшілік хаттама толтырылғанын айтты. Бұл бапқа сәйкес 3 АЕК (12 975 теңге) көлемінде айыппұл қарастырылған.