Ақтауда полиция қызметкерлері рейдтік іс-шара кезінде Toyota Land Cruiser Prado маркалы жол талғамайтын көлікті тоқтатпақ болған. Қызметкерлер жүргізушінің құжаттарын тексермек болғанда, рульде жасөспірім бала отырғаны анықталған, деп хабарлайды aqshamnews.kz
Алайда жас жүргізуші полицейлердің талаптарына бағынбай, көлікпен қашуға әрекеттенген. Жол қозғалысы ережелерін өрескел бұзған бозбала бірнеше рет апатты жағдай туғызып, бірнеше көшені кесіп өткен. Полицияның жедел әрекетінің арқасында жасөспірім көп ұзамай ұсталды.
Көліктің иесі анықталып, жасөспірімнің заңды өкіліне қатысты бірнеше әкімшілік хаттама толтырылды. Атап айтқанда:
-
Жасөспірімнің көлік құралын басқару құқығы жоқ бола тұра рульге отырғаны үшін,
-
Полиция талабына бағынбағаны үшін,
-
Жол қозғалысы ережелерін бұзғаны үшін.
Сонымен қатар, көлік арнайы айыппұл тұрағына қойылды.
Маңғыстау облыстық Полиция департаментінің мәліметінше, қазіргі уақытта бұл оқиға бойынша қосымша тексеру жұмыстары жүргізіліп жатыр, заңды өкілдің жауапкершілігі қаралуда.
Полиция ата-аналар мен көлік иелеріне кәмелетке толмаған балаларға көлікті басқаруға жол бермеу қажеттігін қатаң ескертеді. Мұндай немқұрайлық ауыр зардаптарға әкелуі мүмкін.