Маңғыстау облысының денсаулық сақтау басқармасының мәліметінше, зардап шеккендердің саны 29 адамға жетті, олардың 27-сі ауруханаға жатқызылды. Реанимацияда ауыр халде 11 адам бар, деп хабарлайды aqshamnews.kz
Облыстық балалар ауруханасында дәрігерлер екі қызды ота жасауға дайындауда. Пациенттер:
- Мариям Арсбаева, 11 жаста. Алдын ала диагноз: жабық бас сүйек-ми жарақаты, ми шайқалуы, бет, мұрын, жамбас аймағының жарақаттары мен көгеруі, жамбас сүйектерінің сынуы.
- Салихат Джерова, 16 жаста. Алдын ала диагноз: жабық бас сүйек-ми жарақаты, ми шайқалуы, сол жақ жіліншік сүйегінің ығысуымен ашық сынуы, бірінші-екінші дәрежелі жарақаттық шок.
Оқиға орнына 22 жедел жәрдем бригадасы, апат медицинасы орталығының алты бригадасы және төртінші дәрежелі жеделдік санатындағы екі бригада жіберілді.