Америкалық кәсіпкер, миллиардер Илон Масктың айтуынша, АҚШ қазір "ұлы 12 жылдық кезеңнің" басында тұр. Ол бұл кезең Дональд Трамптың екінші президенттік мерзімінен және қазіргі вице-президент Джей Ди Вэнстің екі мерзімінен (тең 12 жыл) тұрады деп есептейді, - деп хабарлайды aqshamnews.kz тілшісі.
Politico басылымының мәліметінше, Маск бұл сөзін АҚШ-тың мемлекеттік тиімділік департаментінің (DOGE) бұрынғы қызметкерлерімен өткен жабық кездесуде айтқан. Жиналыс туралы ақпаратты кездесуге қатысқан екі адам және оқиғадан хабардар тағы бір дереккөз растаған, барлығы да аты-жөнін көрсетпеуді сұраған.
Кездесу 22 қарашада Техас штатының Бастроп қаласында өткен. Маск оларға бейнебайланыс арқылы, қараңғы әрі белгісіз жерден қосылған.
Мән-жай
Жазда Маск пен Трамптың қарым-қатынасы нашарлап, кейін қайта қалыпқа келген. Бірақ биыл Маск вице-президент Джей Ди Вэнспен жақын жеке байланыс орнатқан. Егер Вэнс 2028 жылы президенттік сайлауға түссе, ол Масктің қолдауымен жеңіске жетер еді.
Бұған дейін Илон Маск бес жылдан кейін смартфондар жоғалады деп болжаған. Сондай-ақ ол жасанды интеллект болашақта қолданушының қалауын алдын ала "айтқызбай-ақ" болжап отыратын деңгейге жетеді деп мәлімдеген.
