АҚШ-та қазақтың көрнекті жазушысы Мұхтар Мағауиннің бейітіне құлпытас орнатылды, – деп хабарлайды aqshamnews.kz тілшісі.
Бұл туралы Сапарбек Нағашыбеков Facebook-парақшасында жазды.
Оның айтуынша, Вашингтонда ұлт әдебиетінің ірі өкілі, жазушы, зерттеуші әрі тарихшы Мұхтар Мағауиннің қабіріне құлпытас қойылып, Америкадағы Мұхтар Мағауин атындағы Қазақ ұлттық мәдени-ағарту орталығының ресми таныстырылымы өткен.
"Мұхтар Мағауин бүкіл саналы ғұмырын қазақ халқына арнады. Ол 85 жасқа келгенше 27 томдық еңбегін жазып, қазақтың бес ғасырлық тарихын рухани тұрғыда түгендеп берді. Болашақ ұрпақ атамыздың ұлы еңбегін әлі талай бағалайтыны сөзсіз", - деді ол.
facebook.com/saparbek.nagashibekov
Еске салайық, 2025 жылы қаңтарда Халық жазушысы Мұхтар Мағауин 85 жасқа қараған шағында қайтыс болды.
Мұхтар Мағауин - жазушы, қазақ әдебиетін зерттеуші ғалым. Филология ғылымдарының докторы, Қазақ КСР Мемлекеттік сыйлығының лауреаты (1984), Қазақстанның Халық жазушысы (1996).