Президенттің тапсырған сынамасы теріс нәтиже көрсеткен.
АҚШ Президентінің жеке дәрігері Кевин О'Конор Джо Байденнің толық сауығып кеткенін растады, деп хабарлайды Almaty-akshamy.kz Egemen.kz сілтеме жасап.
Бұл туралы сәрсенбі күні Ақ үй таратқан дәрігердің ресми баяндамасында айтылған.
«Президент Байден бес күндік PAXLOVID курсын аяқтады. Бүгінге дейін ол бес күн бойы оқшауланған режимде жұмыс істеді», - делінген құжатта.
Президенттің кеше түнде және бүгін таңертең SARS-CoV-2 вирусына тапсырған сынамасы теріс нәтиже көрсеткен. Бұл оның COVID-19-дан құлан-таза айыққанын білдіреді. Осыған байланысты Президент Байден қатаң оқшаулау шараларын тоқтатады.