Ақмола облысында жаңа көліктерді тасымалдаған автовоз жол апатына ұшырап, жол жиегіне аударылып кеткен, - деп хабарлайды Аqshamnews.kz тілшісі.
Ақмола облыстық ПД мәліметінше, жол-көлік оқиғасы 2025 жылғы 21 қарашада шамамен түскі 12:00-де «Қостанай – Әулиекөл – Сұрған» тасжолының 239-шақырымында болған.
Полицияның алдын ала дерегінше, 1979 жылы туған «Ситрак» маркалы көлік тасушы жүк көлігі жүргізушісі Қостанай бағытына қарай кетіп бара жатқан. Ол қарсы алдындағы көлікті озбақ болған сәтте рөлге ие бола алмай, жүк көлігі жол жиегіне шығып кетіп аударылған. Фураның үстінде Қытайда құрастырылған сегіз жаңа жеңіл көлік болған.
Жүргізуші Алматыдан Қостанайға жаңа партияны жеткізіп келе жатқан. Апаттан ешкім зардап шеккен жоқ. Оқиға орнында полиция қызметкерлері жұмыс істеп жатыр. Жүргізушінің мас күйде болу-болмауы міндетті түрде тексеріліп жатыр.
Барлық рәсім аяқталған соң процессуалдық шешім қабылданады. Полиция ірі жүк көлігін жүргізетіндерге қауіпсіздік ережелерін қатаң сақтауды қайта ескертті.
