Әр азамат өзінің даусының маңызды екенін ұмытпаса екен!
Алматыдағы №29 қалалық емхананың бас дәрігері, медицина магистрі Ақмира Садықова әріптестерін дауыс беруге шақырды, деп хабарлайды Almaty-akshamy.kz.
«Мемлекет басшысы 2022 жылдың 5 маусымында республикалық референдум өткізу туралы туралы Жарлыққа қол қойғаны белгілі. Бұл күн әр қазақстандықтың өзінің ғана емес, болашақ ұрпағының келешегі үшін дауыс беріп, Жаңа Қазақстанның жарқын күндеріне жол ашар Ата заңымызға енгізілгелі отырған өзгерістердің оң орын алуына өзінің үнін референдумға қол қою арқылы білдіре алады. Ата заңымыздың 30- дан астам бабына өзгерістер енгізіліп, соның аясында жиырмадан астам заң қабылданбақ. Ал заң дегеніңіз өмір қағидамыздағы бұлжытпай орындалатын әр азамат үшін маңызы зор құжат. Президентіміздің мұндай үлкен өзгерісті қолға алуы әрі халық биілігіне иек артуы батыл әрі нақты қадамдарының бірі болып отыр. Біз, денсаулық сақтау саласының қызметкерлері, Мемлекет басшысының бұл қадамдарын құптаймыз және өзіміздің қолдаумызды білдерміз.
Мемлекет басшысы Қасым Жомарт Тоқаев Қазақстан халқына жолдаған Жолдауларында денсаулық сақтау жүйесін ешқашан назардан тыс қалдырған емес. Денсаулық сақтау саласына әрдайым айырықша мән беріп, саланы серпілтуге бағытталған міндеттерді аманаттап, елдің әлеуметтік-экономикалық ахуалын арттырумен қатар, тұрғындардың өмір сүру сапасын жақсартуға бағытталған жаңа шешімдер қабылдап, денсаулық сақтау саласына артылар басым бағыттар мен міндеттерді де саралап берді. Медицина саласына қомақты қаржы бөлінетіндігі және ол қаражат инфрақұрылымға, маман даярлауға, халықты дәрі-дәрмекпен қамтамсыз етуге жұмсалатындығы денсаулық сақтау саласына тың серпін беріп отыр. 2023 жылға қарай дәрігерлеріміздің жалақысы экономикадағы орташа жалақыдан екі есе артық болатыны да қуантады. Осының барлығы - біздің Жаңа Қазақстаннның жаңа жолындағы айқын міндеттердің бірі. Ендігі жерде біз Мемлекет басшысының әр тапсырмасының жүйелі түрде жүзеге асуына атсалысуға тиіспіз. Соның ең басты да маңызды қадамы – референдум. Олай болса, біз, денсаулық сақтау саласының қызметкерлері, Қазақстан халқын осы айтулы күні бір жағадан бас, бір жеңнен қол шығара отырып, өз қолдауларын білдіру үшін дауыс беруге шақырамыз. Әр азамат өзінің даусының маңызды екенін ұмытпаса екен!» - деді дәрігер.