«Сауда жаса да, автокөлік ұтып ал!». Aport mall East кезекті ұтыс ойынын өткізіп, қала тұрғындарын түрлі сыйлықпен қуантты. Байқауға Апорт дүкендерінде сауда жасаған әрбір адам арнайы купон арқылы қатысып, бақ сынады, – деп хабарлайды aqshamnews.kz тілшісі.
Ұтыс ойынының финалы
Ерекше акцияның финалы Aport mall East алдында ашық аспан астында ұйымдастырылды. Автокөлік пен өзге де сыйлықтан дәм еткен жұрттың қарасы көп. Жеңімпазды анықтайтын маңызды сәтке дейін қонақтарға арнайы шоу қойылды.
Айта кетейік, ұтысқа қатысу үшін Aport mall East-те кем дегенде он мың теңгеге сауда жасап, оны купонға алмастыру қажет.
«10 наурыздан басталған ұтыс ойынымызды қорытындылап, мәресіне жеткіземіз. Қазіргі таңда лототрон санаған кезде 20 мыңға жуық қатысушы бар. Соның енді қатысқан адамдарға ұтыс ойыны біреу және 30-ға жуық сыйлық бар. Оның ішінде техника жүлдегерлері болды. Үйге керек заттар және де басқа да дүкендерімізден жақсы сыйлықтар берілді», – деді Aport моллдарын басқарушы директорының Орынбасары Сабыр Жансағымов.
Жеңімпаздар мен сыйлықтар
Расында көптеген қатысушы сыйлықтан құр қалмады. Жүз мың теңгеден бес сертификат ойнатылды. Одан бөлек, әртүрлі техникалық жабдық табысталды. Ал 16 жастағы Айша Рысқұл жаңа автокөлік ұтып алды. Ол бес финалистің арасынан көлік кілтін ең соңғы болып таңдағанына қарамастан, темір тұлпардың егесі атанды.
«Ұтып алам деп ойлаған жоқпын. Бір-ақ билетпен қайтайын деп тұрғанбыз. Атымды естіп, қатты қобалжып кеттім. Талон алып, келе салдық», – деді жеңімпаз Айша Рысқұл.
Акцияның мақсаты
Ұйымдастырушылардың айтуынша, акцияның мақсаты – келушілерге сауда жасаумен қатар, қосымша мүмкіндік пен ерекше көңіл күй сыйлау.
Айдана Шалқар, Ялкунжан Әшімжанов