Ол үшін 8 777 000 1424 нөміріне хабарлама жіберу жеткілікті.
Қазақстандықтарға параға шағымданудың жаңа әдісі ұсынылды, - деп хабарлайды aqshamnews.kz
Енді әрбір азамат жемқорлық туралы хабарлай алады немесе WhatsApp мессенджері арқылы сыбайлас жемқорлыққа қарсы іс-қимыл мәселелері бойынша кеңес ала алады.
"Сыбайлас жемқорлық құқық бұзушылықтар туралы шынайы ақпарат бергені үшін 15,7 млн теңгеге дейін сыйақы көзделген. Біз өтініштің толық құпиялылығына кепілдік береміз. Барлық хабарлама міндетті түрде қаралады және құқықбұзушылықтар анықталған жағдайда қолданыстағы заңнамаға сәйкес шаралар қабылданады", - деп жазылған хабарламада.
Алайда Антикор сыбайлас жемқорлық туралы жалған хабарлау қылмыстық жауапкершілікке әкеп соғатынын ескертті.