Гүлеркем Ниязқұлова Ақтау қаласында Instagram, TikTok және Telegram желілерінде 850 мыңнан астам оқырманға онлайн лотерея ұйымдастырған, деп хабарлайды aqshamnews.kz
Ол лотерея операторы ретінде тіркелмеген. Сонда да автокөлік, пәтер және басқа да бағалы жүлделер ойнатқан. Қатысушылар құны 500-ден 50 000 теңгені құрайтын билет (цифрлық нөмір) сатып алып отырған.
Тергеу мәліметтеріне сәйкес, бұл лотереяларға 1 800-ден астам азамат қатысқан. Нәтижесінде қылмыстық табыс сомасы 162 млн теңгеден асқан. Қазір күдіктілердің мүлкі мен банк шоттарына тыйым салынды.
Сотқа дейінгі тергеу жалғасып жатыр.