Сенат Спикері Мәулен Әшімбаев Мәжіліс депутаты Ардақ Назаровтың әрекетіне қатысты сұраққа жауап берді, - деп хабарлайды Аqshamnews.kz тілшісі.
Спикер өз тарапынан басқа палата депутаттарының сөзіне пікір білдіруі "дұрыс болмайтынын" айтты.
Кейін журналист Сенатта мұндай жағдай болуы мүмкін бе деп сұрады.
"Егер қандай да бір сенатор анасын қатты жақсы көрсе, болуы мүмкін шығар, бірақ әзірге ондай жағдай болған жоқ", – деді Әшімбаев.
Еске сала кетейік, кеше Мәжіліс депутаты Ардақ Назаров Мәжіліс отырысында анасын құттықтаған еді. Депутат сауалын жолдаудың алдында анасына мерейтойына орай жылы лебізін білдіруге рұқсат сұрап, вице-спикердің жауабын күтпестен, құттықтау сөзін бастап кеткен.