17 жасар Әмір Омарханов қазақстандық теннисте жаңа белесті бағындырды – ол әлемдік рейтингтің ТОП-5 қатарына еніп, 4-ші орынға тұрақтады, деп хабарлайды aqshamnews.kz
Әмір Омарханов жеке есепте 10 сатыға көтеріліп, қазіргі таңда 4-ші орынды иеленіп отыр.
Өткен маусымда Әмір керемет нәтижелерге қол жеткізді: Жеке сында Бейжіңде өткен J300 турнирінің жеңімпазы атанды. Жұптық разрядта үш ірі турнирде топ жарып, оның ішінде Orange Bowl турнирінде жеңіске жетті. Бұл жарыс бейресми әлем чемпионаты болып саналады.
Әмір Омархановтың табысы – қазақстандық теннистің дамуы мен жаңа деңгейге көтерілуінің айқын дәлелі.