Бұл компания тарихындағы ең үлкен қысқарту.
Америкалық Amazon компаниясы 18 мыңнан астам қызметкерін қысқартады. Бұл алдын ала жасалған жоспарға қарағанда сегіз мың адамға артық болып отыр, деп хабарлайды Almaty-akshamy.kz «Азаттық» радиосына сілтеме жасап.
Бұл компания тарихындағы ең үлкен қысқарту. Шешім экономикадағы тұрақсыздығына байланысты және соңғы екі жылда қызметкерлерді жұмысқа тым көп тартылғанына байланысты қабылданған. Amazon бас директоры Энди Джесси қысқартулар ең алдымен сатылымдар мен персоналды жалдауға әсер ететінін айтты. Ол жұмыстан босатылғандардың барлығына жұмыстан шығу жәрдемақысы төленетінін және жұмысқа орналасуға көмек көрсетілетінін жеткізді.
Интернет-коммерция күрт өскен кезде Amazon COVID-19 пандемиясы жағдайында жұмысшылар санын айтарлықтай арттырды. 2022 жылдың қыркүйегіндегі жағдай бойынша Amazon бір жарым миллион адамды жұмыспен қамтыды, олардың көпшілігі компанияның қоймаларында жұмыс істеген.