Республикалық референдум өтетін күні «AMANAT» партиясы қаладағы барлық учаскеде дауыс беру барысын бақылайды, – деп хабарлайды aqshamnews.kz тілшісі.
Алматыда барлығы 653 референдум учаскесі жұмыс істейді. Партия дәл осынша бақылаушы жіберген. Осылайша әр учаскеде «AMANAT» партиясының бір өкілі қатысып отыр.
Алматы қалалық партия филиалының өкілдерінің айтуынша, бақылаушылардың қатарында партияның белсенді мүшелері мен қоғамдық бақылауға қатысып жатқан қала тұрғындары бар.
Күні бойы бақылаушылар учаскелерде болып, дауыс беру барысын қадағалап, учаскелік комиссиялармен өзара жұмыс жүргізеді. Олардың бір бөлігі дауыс беру барысы туралы ақпаратты әлеуметтік желілерде де бөлісіп отыр.
Бақылаушылардың мәліметінше, Алматыдағы референдум учаскелерінде тыныш әрі жұмысқа бағытталған ахуал сақталып, дауыс беру ұйымдасқан түрде өтіп жатыр.
Партия өкілдерінің айтуынша, қоғамдық бақылау институты сайлау барысының ашықтығын қамтамасыз етуде маңызды рөл атқарады. Бақылаушылар дауыс беру аяқталып, қорытынды шыққанға дейін учаскедегі жұмысын жалғастырады.