1 сәуір күні Алматы тауларында ауа температурасы төмендейді.
Алматы қаласының Төтенше жағдайлар департаменті таратқан мәліметі мен «Қазгидрометтің» 31 наурыздағы ескертуіне сүйене отырып, Алматы тауларында қатты жауын-шашын күтіледі, желдің екпіні секундына 17-22 метрге, кей жерлерде секундына 30 метрге дейін жетуі мүмкін. 1 сәуірде түнде 1-6 градус аяз күтіледі, деп хабарлайды Almaty-akshamy.kz Egemen.kz-ке сілтеме жасап.
Алматы қаласының Төтенше жағдайлар департаменті осыған байланысты қала тұрғындары мен қонақтары таулы аймақтарда серуендеуден бас тартуы керек екенін ескертеді.
«Сонымен қатар тауда жүрген туристерден барлық қауіпсіздік шараларын сақтауды сұраймыз! Көмек қажет болса, мына телефондарға хабарласыңыз: 112, 109 немесе 8 (727) 372 -15-60», делінген хабарламада.