Алматыда қаланың ең танымал орындарының бірі «Медеу» биік таулы спорт кешенінің маңында жаңа туристік нысан ашылды, – деп хабарлайды aqshamnews.kz тілшісі.
Medeu Park Hotel таулы аймақтың қақ ортасында қонақ үй қызметін, гастрономияны, іскерлік инфрақұрылымды және қоғамдық кеңістікті біріктіреді.
Қонақүйде 90 нөмір, үш конференц-зал және банкет залы қарастырылған. Сондай-ақ, мұнда мейрамханалар, бар, караоке, шарапхана және кинотеатр бар.
Жоба қонақ үй мен қоғамдық инфрақұрылымның үйлесуімен ерекшеленеді. Кешен аумағында қала тұрғындары мен туристер үшін ашық серуендеу аймағы жасалған. Мұнда I’m, Vanilla, Del Papa және Chef мейрамханалары мен дәмханалары жұмыс істеп тұр.
«Медеудің» маңында жаңа нысанның ашылуы Алматыға тауды тамашалау, белсенді демалыс пен қалалық гастрономия үшін келетін туристерге жаңа мүмкіндіктер ұсынады. Енді қаланың басты туристік орындарының бірінде серуендеп қана қоймай, қонып, демалуға, сондай-ақ іскерлік және ойын-сауық іс-шараларын өткізуге мүмкіндік бар.
Medeu Park Hotel «Медеу» туристік кластерінің жаңа нысанына айналып, Алматының таулы аймағының жыл бойғы туристік тартымдылығын арттыра түсті.
Medeu Park Hotel «Медеу» туристік кластерінің жаңа нысандарының біріне айналды. Жоба Алматының таулы аймағын жыл бойы демалыс пен туризмге қолайлы бағыт ретінде дамытуға мүмкіндік береді