Алматы қаласының Медеу ауданында жеке сектор мен шағын және орта бизнес нысандарын газдандыру, сондай-ақ экологиялық жағдай мәселелері бойынша жұмыс кеңесі өтті. Бұл туралы «Eco Almaty» ЖШС хабарлады, – деп хабарлайды aqshamnews.kz тілшісі.
Басты тақырып жеке үйлерді газдандыру болды. Газ тарату желілерін салу мен үйлерді газға қосу мәселесі талқыланды. Қатты отынмен жұмыс істейтін ШОБ нысандарына, әсіресе қоғамдық тамақтану орындары мен моншаларға, жеке тоқталды.
Одан бөлек, контейнер алаңдарының санитарлық жағдайы, рұқсатсыз қоқыс үйінділері және іргелес аумақтарды тазалау мәселелері қарастырылды.
Кеңес қорытындысы бойынша жауапты бөлімшелерге барлық бағыт бойынша жұмысты күшейтіп, анықталған экологиялық мәселелерді жоюға тапсырма берілді.