Бүгін таңғы 7:00-ден бері Алматыда жаңбыр жауып тұр.
«Қазгидромет» РМК болжамына сай, жауын түске дейін жауады. Таңғы 10:00-дегі жағдай бойынша қалада 9 мм жауын-шашын жауды. Каменск үстірті аймағында – 14 мм, деп хабарлайды Almaty-akhsamy.kz.
Коммуналдық инфрақұрылымды дамыту басқармасының мәліметіне қарағанда, су тасқынының алдын алу және жою үшін 45 патрульдік бригада, 165 бірлік арнайы техника, 24 мотопомпа және 820 жол жұмысшысы жұмылдырылды. 1750 қап құм жиналды.
Төтенше жағдайлар жөніндегі жедел кезекшінің ақпараты бойынша Бостандық ауданындағы Вахтангов көшесі,5 мекенжайы бойынша жеке сектор аумағын бір рет су басқаны анықталды.
«Алматы Тазалық» МКК күшімен құлаған бұтақтан арық өткелі тазартылып, су тасқыны жойылды.
Аудан әкімдіктерінде жұмыс өндірісін бақылау бойынша кезекшілік ұйымдастырылды.
Оңтүстік-батыс жел екпіні 3-8м/с, кейде 13 м/с-қа жетеді, ауа температурасы +15 + 17°С.