Қазақстан Республикасының жаңа Конституциясы жобасы бойынша бүкілхалықтық дауыс беру күні ел дамуы үшін маңызды кезең болмақ. Осыған орай Алматы қаласының азаматтық қоғам өкілдері республикалық референдум өткізу туралы шешімді бір ауыздан қолдап, бұл қадам Қазақстан тарихында жаңа парақ ашатынын атап өтті, деп хабарлайды Aqshamnews.kz тілшісі.
Азаматтық қоғам өкілдерінің пікірінше, бүкілхалықтық дауыс беру мемлекет пен қоғам арасындағы қоғамдық келісімді нығайтуға, дамудың ортақ мақсаттарын нақтылауға және азаматтық қоғамның рөлін арттыруға бағытталған маңызды тетік.
Олар жаңа Конституция жобасын қоғам талқысына шығару ашықтық пен жауапкершілікті күшейтіп, азаматтардың ел болашағына қатысты шешім қабылдау үдерісіне тікелей қатысуына мүмкіндік беретінін айтты.
Сонымен қатар Алматыдағы қоғамдық ұйымдар мен белсенді азаматтар референдумның елдің саяси жаңғыруына серпін беріп, қоғамдағы бірлік пен келісімді бекемдей түсетініне сенім білдірді.