Өңірлік коммуникациялар қызметінде Әуезов ауданының 2026 жылдың бірінші тоқсанындағы әлеуметтік-экономикалық дамуының қорытындысы шықты, – деп хабарлайды aqshamnews.kz тілшісі.
Аудан әкімінің айтуынша, аудан экономикасы әжептәуір өскен.
Ішкі сауда көлемі 20,2%-ға артып, 421,9 млрд теңгені құрады. Оның ішінде:
• көтерме сауда – 223,2 млрд теңге,
• бөлшек сауда – 198,6 млрд теңге.
Өсімге ірі компаниялардың белсенділігі мен цифрлық сервистің дамуы да әсер етті.
Шағын және орта бизнес нысандарының саны 2%-ға өсіп, 57 787 бірлікке жетті.
Бюджетке түскен салық түсімінің көлемі 87 млрд теңгені құрады.
«Негізгі экономикалық көрсеткіштер бойынша оң динамиканы байқап отырмыз. Кәсіпкерлік пен сауданы дамыту аудандағы өсімнің негізгі драйверінің бірі болып қала береді», – дейді Абзал Егембердиев.
Аудан экономикалық базаны кеңейтіп, бизнесті қолдауды жалғастырады.